سيمونا: كل سنة وأنت طيبة يا شيري الشهر ده فيه أعياد كتيير أوي حلوة وجميلة وفاضل كام يوم على عيد أنا بحبه إسمه ............. عيد الغطاس
شيري: كل سنة وأنت طيبة؛ فعلاً عيد الغطاس من الأعياد الجميلة فى كنيستنا، انت عارفة أنهم كانوا بيسموه بعيد الشموع أو عيد القصب والقلقاس كمان.
سيمونا: عيد القصب والقلقاس!!!!!!!!!!!!!! أنا مش فاهمة حاجة ؟؟؟ إيه دخل القصب والقلقاس بالعيد؟؟؟
شيري:دي أصلها عادة قديمة عندنا، لأننا لقينا إن القلقاس والقصب فيهم رمز للمعمودية.
سيمونا: (بإستغراب): للمعمودية!!!
شيري: أيوة رمز للمعمودية .... القلقاس مثلاً علشان تطبخه الأول بنغسله ونغطسه فى الميه السخنة عشان ينضف، تمام زي الإنسان إللي بيتعمد بيغطس فى ميه المعمودية وينضف من خطاياه القديمة.
أما القصب كانوا زمان بيحطوا شمع فوقيه بيرمز لنور الروح القدس، ويدوقوا حلاوته، زي الإنسان إللي بيتعمد بياخد بركة المعمودية ويدوق حلاوة ربنا.
يا ترى عرفتي بقى إيه هو سر القلقاس والقصب فى عيد الغطاس؟؟؟؟؟؟
سيمونا : ايوة عرفت
وكل سنه وانتم طيبين
الرئيسية 
أحدث الصور 
التسجيل 
دخول 
Ahlamontada 
